'தல'யும் ஏ.ஆர். முருகதாஸும்!

அ அ

'துப்பாக்கி' படத்தின் வரவேற்பைத் தொடர்ந்து அப்படத்தினை இந்தியில் இயக்கும் பணிகளில் மும்முரமாக ஈடுபட்டு வருகிறார் ஏ.ஆர்.முருகதாஸ்.

கோடம்பாக்கத்தில் மற்றொரு செய்தி பரபரவென பேசப்படுகிறது. விஷ்ணுவர்தன், சிறுத்தை சிவா ஆகியோரது படங்களைத் தொடர்ந்து ஏ.ஆர்.முருகதாஸ் படத்தில் நடிக்க இருக்கிறாராம் அஜீத்.

அஜீத் நடித்த 'தீனா' படத்தின் மூலமாக இயக்குனராக அறிமுகமானவர் ஏ.ஆர்.முருகதாஸ். சூர்யா நடித்த 'கஜினி' படமே முதலில் அஜீத்தை வைத்து 'மிரட்டல்' என்ற பெயரில் பூஜைப் போடப்பட்டது தான்.

'துப்பாக்கி' படத்தினைப் பார்த்த அஜீத், விஜய் மற்றும் முருகதாஸை மனம் திறந்து பாராட்டியுள்ளார்.

எனவே, எப்படியும் அஜீத் - ஏ.ஆர்.முருகதாஸ் கூட்டணி உருவாக வாய்ப்பு இருப்பது உறுதியாகி இருக்கிறது.  ஆஸ்கர் பிலிம்ஸ் ரவிச்சந்திரன்  ஏ.ஆர்.முருகதாஸிடம் தனது நிறுவனத்திற்கு அஜீத் படத்தினை செய்யச் சொல்லி கேட்டிருக்கிறாராம்.

இந்தி 'துப்பாக்கி' படத்தை முடித்ததும் இப்படத்துக்கான பணிகள் துவங்கும் எனத் தெரிகிறது.

'கொசுறு' கபாலி : " தீனா படத்துனால தான் அஜீத்துக்கு ரசிகர்கள்  'தல'ப் பட்டம் கட்டினாங்க.. மறுபடியும் அதே டீம்! "